الموجز
علّق المهندس كامل الوزير، وزير النقل، على سياسة تخفيف أحمال الكهرباء، والتي تتبعها الحكومة خلال الفترة الجارية.
وفي مداخلة هاتفية ببرنامج "على مسئوليتي" مع الإعلامي احمد موسى والمذاع عبر فضائية "صدى البلد" مساء الثلاثاء، قال "الوزير": "أنا عندي التكييف كان شغال على 18 بقى بيشتغل على 25 عشان استهلك كهرباء عندي مروحة ونور استخدمهم".
وأضاف وزير النقل: "أنا شغال في العاصمة الإدارية، لما بنزل من مكتبي ببص على كل الوزارات اللي جنبي واروح ابص على مبنى وزارة الكهرباء اكلم دكتور شاكر وزير الكهرباء اقوله انا واقف قدام الوزارة وفي لمبتين منورين، وابص الناحية التانية عند وزارة الإسكان أكلم الوزير يا دكتور عاصم انت عندك دور منور هو انت لسه موجود في المكتب".
وتابع: "اية المانع نخفض استهلاكنا ونطفي الشوارع الرئيسية؟، هو احنا مش بنستورد السولار والمازوت والغاز بالعملة الصعبة، اللي اتريقوا في اول الأزمة وقالوا مصر منورة ولكن ألمانيا مطفية لا ده ألمانيا عارفة الصح لأنها دولة عظمى".
وأكمل الفريق كامل الوزير: "اية المانع اقتصد شوية في الاستهلاك نستحمل وهتعدي، اعتقد موضوع تخفيف الأحمال وانقطاع الكهرباء لمدة ساعة، الناس نفسها تفاعلت مع الحكومة، وبدء الاستهلاك يقل، والموجة كلها 15 يوم وتنتهي في نهاية شهر اغسطس".
0 تعليق