الموجز
قدَّم الإعلامي محمود سعد، عدد من النصائح للأسر خلال الأزمة الاقتصادية ولمواجهة ارتفاع الأسعار بشكل كبير في الوقت الحالي.
وفي بث مباشر له عبر صفحته الرسمية بموقع "فيس بوك"، قال محمود سعد: "في الحالات اللي زي دي متشتريش إلا الحاجات الضرورية جدًا، وفيه وضع اقتصادي في منتهى الصعوبة، والحاجات بتغلى كل ربع ساعة دون مبالغة".
وأضاف الإعلامي: "أقرب حاجة أن الواحد ميروحش مشوار ملهوش لازمة، والواحد لما بيقعد مع الناس مش قادر يتصور إزاي عايشين كده.. وعندنا طول عمرنا في البيت فكرة الأولوية، ولازم ست البيت تشوف إيه الضروري، والواحد لما بيكون في ظرف اقتصادي صعب المفروض أنه يلم الدنيا".
وواصل: "اتحطيت في الظرف ده سنة 1994، لما استلفت فلوس عشان أكمل وأجيب عربيتي الجديدة، وغلطت وقتها، فتعبت ولكن في خلال 3 أو 4 اشهر لميت الدنيا كلها بحيث نرد الفلوس كلها".
وتابع محمود سعد: "كل مخاوفي من مثل هذه الأزمات هي الاحتكاك بين البشر، أن الأب يتنرفز على الأم والأم تتنرفز على الأولاد، وأرجو من الراجل أنه ميحتكش بالزوجة لأنها غصب عنها والزوجة متزعلش من الراجل لأنه غصب عنه".
وتشهد أسعار العديد من السلع ارتفاعاً بشكل كبير خلال الآونة الأخيرة، مع محاولات الدولة في السيطرة على الأسواق ببعض الإجراءات.
0 تعليق