«خايف على البلد ووزير المالية».. عمرو أديب عن سعر الدولار في السوق السوداء: ليه مبينزلش؟ احنا هنجري ورا بعض؟

الموجز     

أكد الإعلامي عمرو أديب أنه تم تخفيض الجنيه المصري أمام الدولار ثلاث مرات، معقباً: "المنطق بيقول ليه السوق السوداء ترفض النزول؟ هو في كده؟، السوق السوداء الدولار فيها بيزيد ومبينزلش، هو إحنا هنجري ورا بعض؟".

وقال أديب، خلال تقديم برنامجه "الحكاية" المذاع عبر فضائية "إم بي سي مصر" مساء الإثنين،: "السوق السوداء بتعلى مع السوق الرسمية.. دي أشياء منعرفهاش.. ونظريا مش بيحصل".

وأضاف الإعلامي: "في ناس بتلعب في السوق.. وحد مشتري الدولار غالي ورافض أنه ينزل.. هو عايزه كده غالي.. هو مين متحكم في الموضوع ده؟".

وتابع: "بيوت الخبرة عندما تحدثت عن السعر العادل للدولار في السابق، حددت أنه بمقدار 20.5 و23.5 جنيه".

وأشار إلى أن بيوت الخبرة المالية غيرت توقعاتها بالنسبة للسعر العادل، متابعاً: "رسميًا السعر بلغ 27.60 جنيه، 27.60 أنا خايف على البلد والراجل وزير المالية؛ بكرة هيشتري قمح وزيت، الفرق في العملة هيتجاب منين؟".

ولفت عمروأديب إلى أن الأزمة الاقتصادية في مصر مضاعفة، مناشدًا التجار: "تبقى أزمة وتجار حرب! وصلنا إنكم بتحسبوا الدولار على 30 جنيهًا، تزودوا تاني ليه؟ أنا المواطن والمستهلك اللي موقفك على رجلك، عاملني كويس يا أخي"، وفقًا لوصفه.