عمرو أديب معلّقاً على أزمة نقص الأرز: لو الوضع استمر كده السوق هيتضرب

0 تعليق ارسل طباعة تبليغ حذف

الموجز  

شن الإعلامي عمرو أديب هجوماً عنيفاً على التجار لتسببهم في أزمة توافر الأرز بالأسواق مؤخرًا رغم توافره بكميات تكفي الاستهلاك المحلي وتفيض عن الحاجة.

وخلال تقديم برنامجه "الحكاية" المذاع عبر فضائية "إم بي سي مصر" مساء السبت، أكد أديب: "السوق أقوى من الحكومة والتجار هيغرقونا كلنا".

وقال أديب: "الأرز مثال صارخ وقليل الأدب على الحرب الخفية بين التجار، مينفعش في البلد يكون أزمة بالأرز تزامنًا مع أزمة حرب، أنا عندي فائض في الأرز وممكن أصدره، إزاي في الأزمة يكون عندي فائض وأستورده من بره، إحنا ينفع يكون عندنا الكلام ده."

وتابع الإعلامي: "أنا عايز الناس الفقيرة تاكل، التجار بتبص تحت رجليها والنتائج مش هتكون كويسة"، متسائلًا: "إحنا حبسنا كام تاجر من المعلمين الكبار اللي بتحبس الأرز أو تخفيه لاستغلال الأزمة في رفع سعره وتحقيق مكاسب".

وأضاف عمرو أديب: "لو الوضع استمر كده السوق كله هيتضرب، قلبي مع الطبقات التي يحدث لها انزلاق خلال الأزمات، الدخل يقل في العالم كله، ولكن أفهم آليات السوق ولكن لا أفهم الطمع أو الجشع، أسعار المنتجات يتغير سعرها كل يوم، فيه ناس في السوبر ماركت شغلانتها تشيل الأسعار وتحط أسعار جديدة كل يوم."

أخبار ذات صلة

0 تعليق