«اللي بيشيل قربة مخرومة بتخر على دماغه».. أول تعليق من نهاد أبو القمصان على عودة شيرين عبدالوهاب لحسام حبيب

0 تعليق ارسل طباعة تبليغ حذف

الموجز   

علّقت المحامية نهاد أبو القمصان، على عودة المطربة شيرين عبدالوهاب، إلى الفنان حسام حبيب مجدداً.

وقالت "نهاد"، في فيديو نشرته عبر صفحة "حكايات نهاد" بموقع "فيس بوك": "بتقولوا لي شيرين رجعت لحسام، وأنتم مستغربين ليه؟!.. شيرين ضحية عنف من كل الأطراف؛ بداية من حسام حبيب اللي بيستغلها وياخد فلوسها، وده بنسميه عنف اقتصادي، أما أهلها هل احتووها وطبطبوا عليها؟ طبعًا لأ.. ضربوها وودوها مستشفى واللي وصل لشيرين إن الخناقة كانت على فلوسها مش عليها شخصيًّا، وإن أخوها كان بيشتغل معاها وما بيشتغلش معاها، وكل الكلام ده نشروه على الإنترنت".

وأضافت أبو القمصان: "الست اللي بتبقى تحت العنف المزدوج ده تعمل إيه؟ لو هيَّ شخصية قوية ومستقلة، تاخد خطوتين لورا وتبعد الناس دي كلها عن حياتها؛ سواء عيلتها وجوزها، وتقف على رجليها وتستقل وتاخد قرارها لحياتها."

وتابعت المحامية: "السؤال هنا.. هل شيرين تقدر تعمل ده؟ الجواب لأ.. في الحقيقة شيرين بنت بسيطة خارجة من طبقة تعليمية واقتصادية بسيطة؛ فماعندهاش القوة النفسية إنها تقدر تعمل الكلام ده."

https://www.facebook.com/watch/?v=662053418865432&t=0

وواصلت: "وفي حالة الخناقة مين ياخد الحتة الكبيرة ومين ياخد الحتة الصغيرة، الخناقة مش على شيرين نفسها وده اللي وصل لها؛ إنهم مش بيتخانقوا عليها.. فهنا هيّ تعمل إيه؟ تبسط نفسها بالحتة اللي تريحها."

وأكملت أبو القمصان: "وأنتم زعلانين ليه وعاملين وصاية عليها ليه؟ أصل خسرت أهلها.. هو أهلها داعمين يعني، همَّ دول السند -على حسب كلامهم همَّ- هي مش وصل لها الكلام ده.. هي وصل لها إن الخناقة على فلوسها مش عليها، وده جارح جدًّا بالمناسبة."

وقالت:" انتم بقى أصل احنا بنحبها.. لأ يا جماعة.. ماحدش يمارس الوصاية، ودي مشكلة المصريين إنهم بيمارسوا الوصاية على كل اللي بنحبهم باسم الحب؛ سواء ابن أو بنت أو زوج أو زوجة أو غير."

وأضافت المحامية: "شيرين واحدة تعدَّت الأربعين سنة، وتقدر تاخد قرارت وتتحمل نتيجتها، وكل اللي بيشيل قربة مخرومة بتخر على دماغه.. والناس لازم تتعود على كده إن اللي فوق سن 21 سنة بالغة رشيدة، تقدر تاخد قراراتها وماحدش يجبر حد على حاجة، وأخوها ضربها ووداها المستشفى وخرجت.. خسرتوا أكتر، وده اللي بيحصل وفي الحالة المتكررة طول الوقت.. أصل إحنا بنشتغل مع الحالات دي كتير أوي طول الوقت."

ومؤخراً، أعلنت الفنانة شيرين عبدالوهاب عودتها إلى الفنان حسام حبيب من جديد، مؤكدةً: "كتبنا الكتاب النهارده".

يأتي هذا في أول حديث إعلامي للفنانة بعد أزمتها الأخيرة التي دخلت على إثرها إلى المستشفى، وذلك في مداخلة هاتفية مع الإعلامي عمرو أديب ببرنامجه "الحكاية" المذاع عبر قناة mbc مصر.

واعتذرت شيرين لحسام حبيب بسبب التصريحات المسيئة له، متابعة: "بطمن الجمهور إني في عصمة رجل بيصوني ويحبني من البداية"، مشيرة إلى أنهما كانا متعرضين لـ"سحر" ولكن تم فكه.

أخبار ذات صلة

0 تعليق