أحمد موسى: كل دول العالم بتعاني ومحدش طلع من مواطنيها اشتكى من أسعار ولا عايز ينزل يخرب

0 تعليق ارسل طباعة تبليغ حذف

الموجز   

أكد الإعلامي أحمد موسى أن دول العالم أجمع لديها أزمات، متابعاً: "مفيش دولة في العالم معانتش، ومحدش طلع من مواطنيها اشتكى من أسعار ولا عايز ينزل يخرب".

وقال موسى، خلال تقديم برنامجه "على مسئوليتي" المذاع عبر فضائية "صدى البلد" مساء الأربعاء،: "مفيش دولة في العالم دعت للتظاهر إلا جماعة الإخوان اللي خارج مصر، دي مجموعة فتن وتستهدف الشعب والدولة والمؤسسات".

وتابع الإعلامي: "مفيش في مصر الفترة دي أي زيادات، بس اللي في الخارج عايزين يخربوا مصر، جماعة إرهابية مش عايزين مصر تستقر.. وكل الناس لازم تعرف مين اللي عايز يدمر مصر؟ دول هما اللي خربوا مصر من قبل."

وواصل: "هم (الإخوان) اللي فجروا ودمروا، وجميع ما يتم بثه عبر قنواتهم تتلقى تعليماتها من أجهزة استخبارات، وكل اللي بيقولوه شائعات".

وأشار أحمد موسى إلى أن الإخوان يستخدمون الدين وسيلة من أجل الوصول إلى الحكم، موضحا: "سابقًا كانت شعاراتهم (الإسلام هو الحل) من أجل الوصول للحكم؛ ونحن نعرف الدين وهؤلاء لا يعرفونه؛ لأنهم يدعون لإسقاط الوطن، والتحكم في مفاصل الدولة؛ وأنا بعرض ده عشان يكون المواطن عارف إن هدف جماعة الإخوان الإرهابية هو خراب مصر، والعودة للحكم بقوة السلاح".

أخبار ذات صلة

0 تعليق